Жол апатынан аман қалған павлодарлық оқушы Марал Масғұт бүгін ауруханадан үйіне шықты

Дәрігерлердің айтуынша, баланың өміріне енді қауіп жоқ. Естеріңізге салсақ, қыркүйектің 7-күні жаяу жүргінші жолағымен кетіп бара жатқан апалы-сіңлілі екі қызды трамвай қағып кеткен еді. Өкінішке орай, көліктің астында қалған 10 жастағы Махаббат сол жерде көз жұмды. Бас сүйегінің жарақатын алған Маралды аман алып қалу үшін дәрігерлер қолдан келгеннің бәрін істеді. Осы қайғылы жағдайға бейжай қарамаған қайырымды жандар Марал Масғұттың отбасына Екібастұз қаласынан үш бөлмелі пәтер алып берген. Марал алдағы уақытта дәрігердің бақылауында болады.

Болат АМАНБАЕВ