Басты Жаңалықтар Еуразиялық экономикалық одақ: Елдер нарықта тең құқылы бола ала ма?

Еуразиялық экономикалық одақ: Елдер нарықта тең құқылы бола ала ма?

11.04.2014 08:30

Бірнеше мемлекет Еуразиялық одаққа біріккенде, әлеуеті әртүрлі елдер үшін нарық тең құқылы бола ма? Алып державалар экспортына орта мемлекеттер қаншалықты бәсекелес бола алады?

Тағы бір күрделі мәселе, халықаралық миграция тұрақтылығын жоғалтуы мүмкін. Осы сауалдар көпшілікті мазалайды.

Жеңіс Табылдиев, Алматы қаласының тұрғыны:

Ресей мен Беларусь нарықтары қазақ кәсіпкерлері үшін қаншалықты ашық? Бәсекелестік тең дәрежеде болады ма?

Вячеслав Додонов, ҚР Президенті жанындағы Қазақстанның стратегиялық зерттеу институтының бас ғылыми қызметкері:

Әрине, одақтың көздегені де сол - біртұтас экономикалық кеңістік құру. Демек, нарықта кәсіпкерлер үшін кедергілер болмауы тиіс. Одақтың әр мүшесі өз елінің тауарын өзге елге тасымалдап, емін-еркін сауда қатынасын жасай алады. Ал, сауда-қатынасы бар жерде бәсекелестік туындайды. Себебі, әр елдің кәсіпорны өз тауарын көптеп сатуға және тауарына деген сұранысты өсіруге ұмтылады.

Ғалым КӘЛМЕН

Бөлісу