Басты Жаңалықтар Жол тегістеу жеңілдейді

Жол тегістеу жеңілдейді

05.06.2014 08:30

Тесік жолдарды тегістеу енді жеңілдейді. Өйткені елімізге Ресейде шығарылған БЦМ-24,3 жол тегістеу көлігі келді. Бүгін Ақмола облыстық «ҚазАвтоЖол» мекемесі техниканы тексерістен өткізді.

Бұл көлікпен жұмыс істеу өте ыңғайлы. Жолды бар болғаны 2 адамның күшімен тегістейді. Бірі жүргізіп отырса, енді бірі арнайы құрылғы арқылы битум эмульциясын сеуіп, қиыршық тас төсей береді.

Бұл ауыр көлік осыдан үш жыл бұрын шығарылған, қазір Ресейде сәтті жұмыс істеп жатыр. Жол тегістеу көлігінің тағы бір артықшылығы - қысты күні де кәдеге жарайды.

Төлеген Абдуллин, «ҚазақАвтоЖол» РМК Ақмола филиалының директоры:

Осы жол тегістеу көлігін сатып алдық. Қазір арнайы мамандардан көліктің тілін үйреніп, тәжірибеден өткізіп жатырмыз. Бәрі ойдағыдай болса, тағы 30 дана осындай көлікті сатып алу жоспарда бар.

Сәкен СЕЙІТХАНҰЛЫ

Бөлісу