Басты Жаңалықтар Еуразиялық интеграциядағы үш басымдық

Еуразиялық интеграциядағы үш басымдық

05.06.2014 08:30

Еуразиялық интеграцияны дамытуда негізгі үш басымдыққа сүйенуге болады. Бұл туралы Мәжіліс депутаты Мәулен Әшімбаев мәлімдеді. Оның айтуынша, бірінші кезекте еуразиялық интеграция Қазақстанның тәуелсіздігін қамтамасыз ете отырып дамиды. Яғни, егемендікке нұқсан келмейді, аймақтық құндылықтар сақталады.

Екінші басымдық - экономикалық прагматизм. Одақ аясындағы қарым-қатынас тек экономикалық мақсатта жүзеге асады. Сондай-ақ көпбағыттылық. Үш елдің арасында бірнеше сала бойынша стратегиялық серіктестік қалыптасқан. Олар тығыз қарым-қатынаста жұмыс істеп келеді.

Мәулен Әшімбаев, ҚР Парламенті Мәжілісінің депутаты:

Елiмiздiң 23 жыл тәуелсiздiгi кезiндегi саяси, экономикалық, қауiпсiздiк салалардағы жетiстiктерге Қазақстанның ашық саясатының арқасында қол жеткiзiлдi. Бiз осы уақыт арасында өз елiмiздiң мемлекеттiк шекарасының құқықтық рәсiмделуiн толық аяқтадық. Ашықтық саясатының арқасында Қазақстан мен көршi елдердің арасында шекаралық қайшылықтар жоқ.

Сәуле АЛДАМҰРАТҚЫЗЫ

Бөлісу