ЕЭО аясында бәсеке күшейеді

Еуразиялық экономикалық одақ, жоспарланған мерзімде құрылып қана қоймай, табысты жұмыс істеуге де қауқарлы. Себебі, Қазақстан, Ресей және Беларусь елдері бұл бірлестікке, шынайы қажеттілік пен нарықтың талабына сай бірігіп отыр. Мәскеу қаласында өткен жиын барысында, ресейлік экономистер мен депутаттар осындай пікір білдірді. Олардың айтуынша, Еуразиялық экономикалық одақтың құрылуын, өнеркәсіп саласының өкілдері мен кәсіпкерлер асыға күткен.

 

Владимир Гутенёв, РФ Мемлекеттік Думасының депутаты:

Көптеген ресейлік компаниялар, соның ішінде жоғары технология саласындағы кәсіпорындар да, Қазақстан нарығын зерттеп қана қоймай, сол жерде өздерінің кеңселерін белсенді түрде ашып жатыр. Себебі, қазақтың бизнес инфрақұрылымы, әкімшілік басқаруы бізге қарағанда жақсы екенін мойындау керек. Сондықтан, алдағы уақытта Еуразиялық экономикалық одақ аясында, бизнес ортаны жақсартуға бағытталған бәсекелестік басталады, деп ойлаймын.

 

Нұртас СОЛТАНҰЛЫ