Басты Жаңалықтар «Алтын сапаға» өзгерістер енгізілді

«Алтын сапаға» өзгерістер енгізілді

24.06.2014 12:30

«Алтын сапа» жүлдесіне өзгерістер енгізілді. Бұған дейін тек ірі компаниялар ғана қатысатын байқауға биыл шағын және орта кәсіп иелері де бақ сынай алады.

Тиісінше жүлде де үш номинация бойынша тапсырылады. Үміткерлер 9 талап бойынша бағаланады.

Тағы бір жаңалық, бұрын байқауға қатысқан кез келген кәсіпорын тек екі жылдан кейін ғана екінші рет қатысуға құқылы еді.

Енді тек төрт жылдан кейін ғана бақ сынайтын болады. Мамандар осы тәсіл арқылы кәсібін енді ғана дөңгелетіп келе жатқан шағын мекемелерге мүмкіндік бермек.

Естеріңізге сала кетейік, «Алтын сапа» 2001-2005 жылдары Үкімет деңгейінде ұйымдастырылды. 2006 жылдан бастап Президент жүлдесі болып өзгертілді.

Ақмарал Қабұлова, ҚР ИЖТМ Техникалық реттеу және метрология комитетінің қызметкері:

Жарлыққа толықтырулар енгізілді. Шағын және орта, ірі кәсіпорындар үш номинация бойынша қатысады. Сондай-ақ, олар эмблеманы 4 жыл бойы пайдалана алады.

Сәуле АЛДАМҰРАТҚЫЗЫ

Бөлісу