Басты Жаңалықтар Ұлттық кәсіпкерлер палатасына 232 делегат сайланды

Ұлттық кәсіпкерлер палатасына 232 делегат сайланды

26.06.2014 05:30

Ұлттық кәсіпкерлер палатасына 232 делегат сайланды. Оның 50 пайызы - өңірлердің өкілдері. Бүгін ұлттық палата басшылығы кеше өткен І съездің қорытындысы туралы хабардар етті.

Жалпы, І съезд палатаның құрылу кезеңін қорытындылауға арналған. Сондай-ақ, делегаттар ұлттық палатаның алдағы үш жылға арналған стартегиялық жоспарын бекіткен.

Басты мақсаттардың бірі - 2030 жылға қарай ішкі жалпы өнімдегі шағын және орта бизнестің үлесін 40 пайызға жеткізу.

Ол үшін кәсіпкерліктің даму қарқынын жылына 7-8 пайыз төмендетпеу керек деген меже қойылды. Съезде айтылған барлық ортақ мәселе үкіметтің алдағы айдағы отырыстарының бірінде нақты шешілетін болады.

Абылай Мырзахметов, ҚР Ұлттық кәсіпкерлер палатасының Басқарма төрағасы:

Келесі аптада Үкімет басшысына барлық өңірлерден келген сараптамаларды айтып, ұсынысымызды енгіземіз. Үкімет басшысы өзі де 7-15 шілде аралығында барлық облысты аралайды. Одан кейін кәсіпкерлер мәселесі бойынша Үкіметтің арнайы жиыны өтеді.

Дулат АБИБУЛЛАЕВ

Бөлісу