Әкімдер ашық кабинеттерде халықты қабылдайды

Алматы облысында ауыл әкімдері өздерінің кең кеңселерін шағын кабинеттерге ауыстыра бастады. 15 шаршы метр бөлмелерінің қабырғалары әйнектен жасалған. Бұл - өңірдегі мемлекеттік қызметтің «Open space» жобасына көшуінің жемісі. Облыс аумағындағы мектеп директорлары да 50 шаршы метрлік қабылдау бөлмелерінен бас тартты.

760 директор бірінші қабатқа ауысып, олардың 38-і әйнекті бөлмелерге ауысты. Халыққа қолжетімді болып, мәселелерінің тез шешілуіне ықпал ете бастаған жоба бірнеше аудан орталықтарында өз нәтижелерін бере бастады. Тұрғындар кейде мамандарға жолықпай-ақ, қажетті құжаттарын электронды үкімет бұрышынан алуға дағдыланып келеді.

Батырхан Тұрсынбаев, Сарыөзек ауылдық округінің әкімі:

- Халықты қабылдау ашық түрде жүргізіледі. Екіншіден мамандардың жұмыс уақытын қалай тиімді пайдаланып жатқанын қадағалауға мүмкіндік деп ойлаймын.

Қуаныш ҚАНАТҰЛЫ