Алматы облысында жиһаз өндіретін кәсіпорын ашылды

Алматы облысына қарасты Жамбыл ауданы, Ұзынағаш ауылының кәсіпкерлері италиялық құрылғыларды пайдалана отырып, ағаштан сапалы жиһаз жасайтын кәсіпорын ашты.

Цех күніне 20-дан аса түрлі жиһаз өндіруге қауқарлы. Мұнда тек еуропалық үлгіде емес, ұлттық нақыштармен өрнектелген үстелдер мен ыдыс-аяқ қоятын тұрмыстық жиһаздар жасалады.

Кәсіпорын  ағаш ұсталары, жиһаз құрастырушы, ағаш жонушы, дизайнерлер сынды 20-дан астам адамды жұмыспен қамтып отыр.

Нұрлан НАУРЫЗАЛИЕВ