Қаржы мен жылжымайтын мүлікті заңдастыру акциясы басталды (ВИДЕО)

Бүгін республика бойынша қаржы мен жылжымайтын мүлікті заңдастыру акциясы басталды.

2001 жылы ақша қаражаттарын заңдастыру кезінде еліміздің экономикасына 480 миллион АҚШ доллары тартылып, заңды айналымға түскен еді.

2006-2007 жылдары бюджетке 7 миллиард доллар құйылды.

Ал, бүгін басталған жекешелендіру науқанынан ел экономикасына 10 миллард доллардан астам қаражат түседі, деп күтілуде.

2015 жылдың 31 желтоқсанына дейін мемлекет иелігіндегі 853 ұйым сатылады. Оның 34-і республикалық, 657-і коммуналдық меншік пен әлеуметтік кәсіпкерлік корпорация нысаны.

Саламат ОМАШ