Қарағандыда кәсіпкерлерге кедергілер көп

 Қарағанды облысында кәсіпкерлікке  қол байлау болып келген мәселелер жетерлік. Іскер адамдардың жер  телімі кезегінде ондаған жыл тұруы  немесе   соңы пара берумен тынатын әкімшілік қағазбасты кедергілерден арылмауы шағын және орта бизнес саласының дамуын тежеп келген.

Бұл туралы Ұлттық кәсіпкерлер палатасы жанындағы кәсіпкерлер құқығын қорғау кеңесі мен Қарағанды облысы кәсіпкерлер палатасы құрамындағы бизнес өкілдері құқығын қорғау кеңесінің біріккен отырысында айтылды. Бірлескен отырысқа қатысушылар Қарағанды облысының прокуратурасына жергілікті атқарушы органдардың қызметіне тексеру жүргізу туралы ұсыныс жасады.

Руслан НҰРЛАНҰЛЫ