Мүлік сатудан бюджетке 3 миллиард теңге түсті

Соңғы бір апта ішінде республикалық және коммуналдық мүлік саудасынан мемлекет қазынасына 3 миллиард теңгеге жуық табыс түсті. Әсіресе, «Самұрық-Қазына» қорының активтеріне сұраныс жоғары.

Жекешелендіру басталғалы бері елімізде 4 миллиард 242 миллион теңгеге 67 нысан сатылған. Оның үшеуі республикалық меншіктегі нысан. Құны – 153 миллион 900 мың теңге. Коммуналдық нысан 224 миллион 600 мың теңгеге саудаланған.

Ал ұлттық компаниялар мен холдингтер бойынша 3 миллиард 863 миллионға 39 келісім жасалған. Енді алда 12 миллиард 27 миллион теңге тұратын 65 лот бар. Оның 9-ы республикалық меншіктегі мүлік.

Саламат ОМАШ