Парижде баланы құтқарған малилік иммигрант француз азаматтығын алды

Дүйсенбі күні 22 жастағы Мамуду Гассам президент Эммануэль Макронның шақыруы бойынша Елисей сарайына барған. Сөйтіп, мемлекет басшысы «өрмекші адамға» алғыс білдіріп, оған Франция азаматтығы берілетінін айтты. Бұдан бөлек, Макрон Гассамға батылдығы үшін медаль тапсырып, өрт сөндіру қызметіне жұмысқа тұруды ұсынды.

Малилік иммигрант сенбі күні төртінші қабаттан құлай жаздаған баланы қауіпсіздік арқанын қолданбай, балконнан балконға өрмелеп шығып құтқарды. Содан кейін ол француздар үшін нағыз батырға айналды.

Мадина РАХЫМБЕК