Ұлыбританияда әйелдердің дауыс беру құқығын  иеленгеніне 100 жыл толуына орай шеру өтті

Британдық әйелдер осыдан тура 100 жыл бұрын дауыс беру құқығына ие болды. Айтулы оқиғаға байланысты Ұлыбританияның бірқатар қаласының мыңдаған нәзік жанды тұрғыны жаппай шеруге шыққан. Олар тарихи күнді атап өтуге үлкен жауапкершілікпен дайындалған екен. Жүз шақты суретші әйел түрлі баннерлер мен плакаттар салған. Сонымен қатар, манифестанттар ерлер мен әйелдер теңдігі қозғалысының түстері ретінде – жасыл, күлгін және ақ шарфтар тағып шықты.

Айта кетсек, 1918 жылы Ұлыбританияда алғаш рет мүлкі бар және 30-ға толған әйелдерге дауыс беруге рұқсат етілді. Бірақ,10 жылдан кейін ғана мұндай құқыққа барлық әйелдер ие болды.

Мадина РАХЫМБЕК