Тәжікстандағы туристердің өлімін «ДАИШ» тобы өз мойнына алды

Тәжікстандағы 4 шетелдік туристің өлімін «ДАИШ» тобы өз мойнына алды. Бұл туралы экстремистік ұйымдарға мониторинг жүргізетін веб-сайттардың бірінде жарияланған. Сол шабуылдан жексенбіде 4 шетелдік велосипедші қаза тауып, екеуі жараланды. Олармен бірге болған француз азаматы дін аман. Құрбан болған және зардап шеккен туристер - Құрама Штаттар, Швейцария және Голландия азаматтары. Көлікке мінген қылмыскерлер оларды қағып өтіп, кейін пышақ ала ұмтылып, оқ атқан. Қауіпсіздік күштері шабуылшылардың екеуінің көзін жойып, төртеуін қолға түсірді. 

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.