Германияның «Фольксваген» компаниясы Beetle, яғни, «қоңыз» көліктерін шығаруды тоқтатады

1960 жылдардың үлгісіндегі бұл машиналар келер жылдан бастап жасалмайды. Қысқаша тарихына үңілсек, олар 1930 жылдан бері, демек, Адольф Гитлер заманынан бері шығарылып келеді екен. Ерекшелігі сол - бұл автомобильдер II дүниежүзілік соғыстан кейін демократия мен индустриалдық жанданудың және «бэби-бумның» бір символы ретінде қалыптасқан. Соңғы көрсеткіштер бойынша 1998 жылдан бері мұндай машинаның 500 мыңға жуығы сатылған. Компания өкілдерінің мәлімдеуінше, «Фольксваген» енді түрлі модельді әрі экологияға зияны жоқ, электр қуатымен жүретін көліктер шығаруды жоспарлап отыр.

Мақпал СЕРЖАНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.