Ніл өзенінен өтетін көпір салынды

Уганданың Джинджа қаласында ұзындығы 525 метрлік көпір іске қосылды. Одан бірінші болып өтуге мыңдаған адам жиналды.

«Ніл өзенінің бастауы» деп аталатын көпірдің құны 112 миллион доллар тұрады. Бұл нысан Жапонияның Халықаралық ынтымақтастық агенттігінің демеуімен салынған екен.

Көпірді салтанатты түрде ашуға ел президенті Йовери Мусевени де қатысты. Сондай-ақ, шараға Жапонияның сыртқы істер министрі Масаиса Сатона барды.

Көпірдің салудағы мақсат - туризм саласын дамытуға үлес қосу. Дегенмен, бұл жол арқылы импорт пен экспорт іске асып, сауда-саттық та арта түседі деген үміт бар.  

Мақпал СЕРЖАНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.