Бельгияда «Greenpeace» ұйымының белсенділері шеруге шықты

Демонстранттар Брюссельде Еуропалық Одақ лидерлерінің кездесуі кезінде қарсылық акциясын ұйымдастырған. Олар аймақ басшыларынан көміртегі қалдықтарын шығаруды азайту үшін шара қолдануды талап етті. Ондаған шеруші ашуға ерік беріп, жиынға келе жатқан мемлекет жетекшілерінің жолдарын бөгеп, оларға мұздан жасалған «Жер планетасы» мүсінінің еріген күйін көрсетті. Акцияға қатысушылардың айтуынша, климаттың өзгеруі еуропалық лидерлер үшін басты проблема емес. Демонстрация соңына қарай 30-ға жуық адам тұтқындалып, кейін олардың босатылғаны мәлім болды.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.