Қытайдың Цзилинь провинциясында мұз мүсіндер паркі салынып жатыр

Қытайдың солтүстік-шығысындағы Цзилинь провинциясында мұз мүсіндер паркі салынып жатыр. Мемлекеттік телеарнаның хабарлауынша, ол бүгін ашылады. Мұнда 30 мың шаршы метр алаңға мұздан 39 нысан салынып жатыр. Олардың ең биігі – 21 метр. Мүсіндердің арасында алып сарайлар мен мұнаралар, айдаһар қайықтар мен сырағақ тебетін алаңдар, лабиринттер бар.

Құрылысшылардың айтуынша, паркті салуға 300-ге жуық мүсінші тартылып, 15 мың текше метр мұз жұмсалған. Ал, былтырғы қысқы бақтың көлемі бұдан екі есе кіші болыпты.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.