Керчь бұғазында екі кеме өртеніп, 11 адам қаза тапты

Танзания туын таққан су көліктерінің бірінде жарылыс болса керек. Оқиға кезінде олардың екеуі де тұрақта тұрған. 12 адам құтқарылды. Кемелерде бас-аяғы 31 адам болды. Солардың ішінде Түркия мен Үндістан азаматтары бар.

Жарылыс кемелердің бірінен екіншісіне отын құйған шақта болған. Бұл жағдайға байланысты қылмыстық іс қозғалды. «Рейтердің» хабарлауынша, апат кезінде Қара теңізде қатты дауыл соғып тұрыпты.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.