Каракаста тәртіпсіздік басталды

Венесуэла астанасы Каракаста бүлік жасау әрекеті сәтсіз аяқталды. Мұны елдің қорғаныс министрлігі хабарлап отыр. Дегенмен, қалада тәртіпсіздіктер басталған.

Осы мекеменің дерегінше, ұлттық гвардияның жауынгерлері Петаре ауданындағы әскери бөлімшеден қару ұрлап, төрт офицерді кепілдікке алған. Содан кейін олар Котиса ауданына аттанған. Дегенмен, бүлікшілер тұтқындалды деген мәлімет бар.

Ауыр экономикалық дағдарысқа ұшыраған бұл мемлекетте жақында парламент төрағасы болып Хуан Гуаидо тағайындалды. Ол бүкіл елді сәрсенбі күні президент Николас Мадуроның билігіне қарсы шеруге шақырып отыр.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.