Қытайда орман өртінен  30 өрт сөндіруші қаза тапқан

Қытайдың оңтүстік-батысында орман өрті күшейіп барады. Одан 30 өрт сөндіруші қаза тапқан. Мұны елдің мемлекеттік ақпарат құралдары хабарлады. Өрт Сычуань провинциясының Мули деген елді мекені маңында басталған. Оған жету қиынға соғып отыр. Өйткені, бұл жерде көлік қатынасы мен байланыс жүйесі нашар.

Жексенбі күні билік тілсіз жауды ауыздықтауға 700-ге жуық маман жіберді. Алайда, кенеттен қатты жел соғып, от қаулағанда, 30 адам жоғалып кетіп, көп кешікпей олардың мәйіті табылған.

Арыстан РЫСБЕК