Украинаның шығысында бес жыл бұрын болған малайзиялық ұшақ апатына кінәлі 4 адамның есімі жарияланады

Голландия бастамашылық еткен тергеушілер тобы жаңа нәтижелермен жабық жиналыста бөліседі. Оған қаза тапқандардың туыстары ғана қатысады.

«Малайзия әуе жолдары» компаниясының «Боингы» 2014 жылы шілденің 17-де Донбассқа құлап, борттағы 298 адам түгел қаза тапты. Ұшақ Украинаның шығысында үкімет әскері мен сепаратистер арасындағы қақтығыс барысында атып түсірілген. Бұл мақсатқа қолданылған зымыран Ресей Әуе күштеріне тиесілі. Сондықтан, тергеу тобы трагедия үшін Мәскеуге сүйенген көтерілісшілерді кінәлап отыр.

Дегенмен, Кремль ракетаның Украина аумағынан ұшырылғанын айтып, өзіне тағылған айыптарды жоққа шығарып келеді.

Жансая ҚАПАСҚЫЗЫ