Нұрсұлтан Назарбаев биыл 13 мемлекетке сапар шеккен

Оның біреуі мемлекеттік, бесеуі ресми сапар.

Мемлекет басшысының бір жылғы жұмысын бір репортажға түгел тізіп, сыйғызу мүмкін емес. Десе де, кейбір ақпараттарды атап көрсетуді жөн көрдік. Мемлекет басшысы Нұрсұлтан Назарбаев биыл 13 мемлекетке сапар шеккен.

Оның біреуі мемлекеттік, бесеуі ресми сапар. Соның ішінде көрші Ресей Президенті Владимир Путинмен екіжақты және форумдар аясында 14 рет кездесіпті. Сондай-ақ, Президент биыл түрлі деңгейде 23 халықаралық саммиттер мен форумдарға қатысқан.

Мемлекеттер, үкіметтер басшылары және өзге де жоғары шенді саяси және қоғам қайраткерлерін қосқанда 100 рет кездесу өткізген. Ақордада қабылдаған мәртебелі меймандардың саны - 70. Осындай кездесулердің нәтижесінде жалпы сомасы шамамен 60 миллард доллар болатын 300 келісімшарт жасалған. Теңгеге шаққанда, бұл 170 трилион.

Сонымен қатар, Мемлекет басшысы шетелдік әріптестерімен 50 рет телефон арқылы сөйлесіп, түрлі шараларға байланысты 50 мәрте құттықтау қабылдаған. Тағы бір ақпарат, биыл шет елдердің 15 елшісінен сенім грамоталарын қабылдаған.

Ал, шет мемлекеттеріне сапары барысында Нұрсұлтан Назарбаев ұшақпен шамамен 140 сағат ұшып, 100 мың шақырымнан аса жол жүрген.

Армангүл ТОҚТАМҰРАТ