Мемлекет басшысы Алматыға сапары кезінде жаңадан салынып жатқан мешіт құрылысымен танысты

Жеті мың адам сиятын нысан 16 мың шаршы метр аумақты қамтымақ.

Мемлекет басшысы Нұрсұлтан Назарбаев сонымен қатар, Алатау мөлтек ауданында салынатын мешіттің макетімен танысты. Жеті мың адам сиятын нысан 16 мың шаршы метр аумақты қамтымақ.

Жобаға сай, мешітке биіктігі 75 метрлік мұнара орнатылады. Кешен құрамына ислам кітапханасы, әкімшілік бөлік, діни рәсімдер өткізуге арналған зал, медресе, шеберхана мен дүкен кіреді. Осы жерде Президент діни конфессия және зиялы қауым өкілдерімен кездесіп, емен-жарқын ой бөлісті.

Нұрсұлтан Назарбаев, Қазақстан Республикасының Президенті:
Мына Алатау ауданында Универсиада деп керемет сарайлар салынып жатыр. Керемет үйлер салынып жатыр. Болашақта Алматының әкімшілігі осы жаққа көшеді деп ойлаймын. Таза мына жақ. Қаланың ішін тазалап, жеңілдету үшін. Бұл жерде ақсақалдар тұра беріңдер.

Армангүл ТОҚТАМҰРАТ