Мұнай бағасы барреліне 60 долларға өсті

Қара алтын өндірісімен ғана жан бағатын мемлекеттер бөріктерін аспанға атты. Өйткені, 60 пайызға арзандап кеткен мұнай бағасы бүгін едәуір өсті. Бренд барреліне 60 доллар 4 центке саудаланды таңертең.

Алайда, қара алтынның құнсыздануынан қатты қорыққан мұнай компаниялары бүгінгі күнге дейін 100 мыңнан астам қызметкерін жұмыстан босатқан. Тағы 15 мыңнан астам мұнайшы кезекте тұрған көрінеді.

Ал, жаппай қысқартуға бүгінгі баға бәсінің қалай әсер етері әзірге беймәлім.

Нартай АРАЛБАЙҰЛЫ