Шымкентте әлемнің ең үздік математик ғалымдары бас қосты

Оңтүстік Қазақстан мемлекеттік университетінде әлемнің мықты математик ғалымдары бас қосқан халықаралық конференция басталды.

Американың физика институты қамқорлығымен өткізілетін басқосуда  «Сараптама және қолданбалы математика» тақырыбындағы тың жаңалықтар талқыланды. 

Әлемнің 22 елінен келген 100-ден аса танымал ғалым мен академик екі күн бойы өз еңбектерімен таныстырып, ойларын ортаға салады.

Ғалымдардың пайымынша, біздің елде бұл саланың дамуы қарқынды.  Дегенмен оны зерттеуші мамандарға  мемлекеттен қолдау керек.

Айнұр АҚБАЕВА