Соңғы 4 жыл ішінде қазақтың ақбас асыл тұқымды ірі қарасы шамамен 80 мың басқа жетті

Биыл қаңтардағы көрсеткіш бойынша елімізде 217 мыңнан аса малды қамтитын 7200 шаруашылық тіркелген.

Республика бойынша, барлық етті тұқымдық бағыттағы ақбас ірі қараның үлесі 61 пайыздан асады.

Бүгінде қазақтың ақбас тұқымының республикалық палатасы 2012 жылдан бері малдарға асыл тұқым мәртебесі мен асыл тұқымды куәлік берумен айналысуда. Қазіргі таңда палатаның құрамына 240 шаруашылық кіреді.

Жиында асыл тұқымды малды жетілдіруге бағытталған ғылыми-зерттеу институттар мен асыл тұқымды және селекциялық жұмыстармен айналысатын сарапшылардың жұмыс нәтижелері талқыланды.

Айбар ТӨЛЖАНҰЛЫ