Заң жобасы заңгерлермен талқыланды

Мәжіліс депутаттары өңірдегі заңгерлермен Қазақстандағы бірқатар заң жобаларын талқылады. Басты мақсат – өткен жылы Мемлекет басшысы қол қойған «Адвокаттық қызмет және заң көмегі туралы» Заңның жергілікті жерлерде жүзеге асырылу деңгейін анықтау. Заңның олқы тұстары болса пысықтап, одан әрі жетілдіру. Заңнама және сот-құқықтық реформа комитетінің көшпелі отырысына осы өңірдің, Қызылорда және Жамбыл облыстарының заң және құқық қорғау саласы қызметкерлері қатысты. Соңғы бір жылда халықты білікті заң көмегімен қамтамасыз ету бойынша арнайы мониторинг жүргізілген. Зерттеудің нәтижесі бойынша ашық пікірлер мен ұсыныстар айтылды. Оның барлығы алдағы парламенттік шараларда есепке алынбақ.

Оңғар АЛПЫСБАЙҰЛЫ