Павлодарда ауыл шаруашылығына арналған жеке музей ашылды

Бұнда 3 мыңнан аса жәдігерлер қойылған. Олар аймақтағы аграрлық саланың қазан төңкерісіне дейінгі, 2-ші дүниежүзілік соғыс, тың игеру және егемендік алғаннан кейінгі жылдардағы даму тарихынан сыр шертеді. Айталық тың игеру жылдарында Павлодар облысында 3,5 млн гектар жердің қыртысы қопарылған. Оның 1,5 млн гектары жел эрозиясына ұшырады. Ал, 350 мың гектар жер құнарлылығынан айрылып, мүлдем жарамсыз болып қалған. Осы тектес ғылыми тұрғыдан дәлелденген мәліметтер музейде әдістемелік оқулықтар ретінде ұсынылады. Оларды жинақтауға 10 жылдан аса уақыт кетіпті. Айта кету керек бұл өңірдегі ауыл шаруашылығына арналған алғашқы дербес музей.

Болат АМАНБАЕВ