Канар аралдарында 7 мигрант қаза тапты

Испанияның Канар аралдарында 7 мигрант қаза тапты. Елдің теңіз құтқару қызметінің мәліметінше, 380 мигрант құтқарылған. Олардың көбі – Батыс Африка тұрғындары. Теңіз жолы қауіпті болғанына қарамастан, олар кедейшілік пен зорлық-зомбылықтан қашып, Еуропада жаңа өмір бастауды көздейді. Жыл сайын мыңдаған адам осы бағытты таңдайды. Әсіресе күз мезгілінде теңіз толқындары басылып, жүзуге қолайлы болғанда, мигранттардың да саны көбейеді.