Ақтауда Әзірбайжан бағытындағы әуе рейстері қысқарды

Ақтауда бүгіннен бастап, Әзірбайжан бағытындағы әуе рейстері қысқарды. Бұған дейін әуе кемесі Бакуге күн сайын қатынаса, енді тек сенбі күні ұшады. 

Бұдан бөлек, барлық бағыттағы ұшақтарға бақылау күшейді. Қазір, Ақтау арқылы 4 мемлекеттің 10-нан астам қаласына ұшақ қатынайды. Келіп-кетіп жатқан жолаушылар жаппай тексеріліп жатыр. Коронавирусқа қарсы құрылған облыстық штаб мүшелері әуежайдағы санитарлық-карантиндік бекеттің жұмысын бақылап, мамандардың санын арттыруды тапсырды. 

Аягөз ОРАЛБАЙҚЫЗЫ