Түркістан облысында су тасқынынан келген шығын толық өтеледі

Мақтаарал ауданындағы 7 ауылды әлі де су басуы мүмкін. Бұл туралы бүгін Үкімет отырысында Түркістан облысының әкімі Өмірзақ Шөкеев айтты. 

Ал Мырзакент және Ақ жол елді мекендерінде қауіп сейілді. Тұрғындар үйлеріне қайтты. Əсіресе 15 мың халқы бар Мырзакент елді мекеніне су жібермеу амалдары қарқынды жасалды. 

Өзбекстан тарапы өз техникаларымен біздің аймақтағы коллекторды тазалауға көмектеседі. Күні кеше Түркістан облысы әкімі бастаған топ көрші елге барып, өңірдегі мәселені шешу жолдарын талқылаған. 

Түркістан облысында су тасқынынан келген шығын толық өтеледі. Қазір арнайы құрылған комиссия тасқыннан келген шығын көлемін есептеп жатыр. 

Азамат Бейбітұлы