Сыр өңірінің қамысы алғаш рет Еуропаға экспортталды

Биыл Сыр өңірінің қамысы алғаш рет Еуропаға экспортталды. Өнімнің 122 тоннасы бүгінде Германия мемлекетіне жөнелтіліп, шаруалар қомақты пайдаға кенелді.

Жалпы, облыста жыл басынан бері 14 миллионға АҚШ долларының ауыл шаруашылығы өнімі шет елдерге экспортталған. Осылайша, сыртқа шығарылатын тауарлардың қатарына алғаш рет қамыс та еніп отыр. Ұзындығы 2 метрден асатын қатты шөпті немістер үй құрылысына, қолөнер бұйымына пайдаланбақ. Сыр өңірінде жабайы өсімдіктің қоры өте мол. Сондықтан, алдағы уақытта қамысты табыс көзіне айналдырып, басқа да Еуропа мемлекеттеріне сату көзделуде.

Әділбек СЕРІКҰЛЫ