Ақтауда парашюті ашылмай қалған сарбаз көз жұмды

Парашюті толық ашылмай қалып, ауыр жарақат алған әскери қызметкер Маңғыстау облыстық ауруханасында көз жұмды. Мұратжан Жамауов кеше 1 қыркүйекте жансақтау бөлімінде қайтыс болды. Ақпарат агенттіктерінің мәліметі бойынша, оқыс оқиға жоспарлы оқу-жаттығу кезінде болған. Оның әріптестері тап сол секіру сәтін видеоға түсіріп алған. Бейнежазбаны әскери қызметкердің анасы ұсынған. Ол ұлының жерден берілген бұйрықтарды ести алмағанын, өйткені дауыс үдеткіштің болмағанын айтқан.

Аягөз Оралбайқызы