Бозжырада қонақ үй мен мейрамхана салуға табиғат жанашырлары түбегейлі қарсы

Президент Қ.Тоқаевтың баспасөз хатшысы Б. Уәли Бозжыра табиғи қорығының басында қонақ үй салынбайтынын мәлім етті. Бозжыра маңында отель тұрғызылатыны туралы хабар қоғамның, эко-белсенділердің наразылығын туғызған. Тіпті туристік бизнес өкілдерінің өздері шетелдік туристер, өзіміздің адамдар ондағы пәк табиғатты саялауға баратынын айтқан.  

– Олар бірінші кезекте бес жұлдызды қонақ үйге емес, Бозжыра мен Тұзбайырды көруге, рухани азық алуға келеді. Құрылыс басталса, тұмса табиғатты тамашалағысы келетін шетелдіктердің қызығушылығы керісінше, азаяды, - дейді турфирма өкілдері.

Сонымен қонақүйге салуға қарсылардың негізгі аргументтері: «Қызыл кітапқа» енген түрлерге қауіп төнеді; Бұл жердің топырағы өте үгілгіш, сондықтан археология ескерткіштерінің бұзылуына әкеп соғуы мүмкін. Маңғыстаудан Аягөз Оралбайқызының материалы.