«Алматы-Талдықорған» тас жолында қалааралық шағын автобус апатқа ұшырады

Қоғамдық көлікте 17 адам болған. Олардың 7-і ауруханада жатыр. Оқиға Көксу ауданының орталығы Балпық би ауылының маңында болған. Алдын ала мәлімет бойынша көлік жол жиегіне шығып кетіп, аударылған. Демалыс күндері ауа райының қолайсыздығына байланысты өңірде бірқатар жолдар жабылған болатын. 

Серік Үпиев, облыстық Полиция департаменті баспасөз қызметінің өкілі:

- Қазіргі таңда бұл факті бойынша ҚР ҚК 345-бабы бойынша сотқа дейінгі тергеу амалдары жүргізілуде. Сараптамалар тағайындалды. Сараптама қорытындысы бойынша нақты процессуалдық шешім қабылданатын болады. 

Қуаныш ҚАНАТҰЛЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.