Ақтөбеде шошқа фермасына 7 млрд теңге айыппұл салынды

Ақтөбе облысының экономикалық соты Бестамақ аулындағы шошқа фермасының иесіне 7 миллиард теңге айыппұл төлеуді міндеттеді.

Естеріңізге салсақ,өткен жылдың соңында ауыл тұрғындары кәсіпорын жұмысын тоқтатуды немесе бағытын өзгертуді талап еткен болатын. Кейін экологтар тексеріс жүргізіп, көптеген кемшіліктерге тап болды. Шошқа саны рұқсат етілгеннен он бір мыңға көп өсірілген. Сондай-ақ, қатты зиянды қалдықтар ферма аумағына көміліп келген. Сот лас судың кәріз құбыры арқылы емес, жер бетімен ағызылғанын да анықтады. Сот шешімі заңды күшіне енген жоқ.

Жақсыбек Кемал