Ақтөбеде автобус жүргізушісі есірткі қолданған

Жол патрульдік полиция қызметкерлері Едіге батыр көшесінде жол ережесін бұзған көлікті тоқтатқан. Құжаттарын тексеру барысында 53 жастағы азаматтың жағдайы күдік турдырған. Медициналық тексеріс нәтижесінде оның есірткі қолданғаны анықталды. Енді ол 7 жылға көлік жүргізу құқығынан айырылуы мүмкін. Жүргізуші 15 күнге қамалады.

Сондай-ақ қалада мас күйінде көлік жүргізген 31 жастағы әйел жол апатына себепші болды.

«Daewoo Nexia»  маркалы көлік тізгініндегі жүргізуші қатты жылдамдықпен қарсы бағытқа шығып кетіп, қатар келе жатқан екі көлікке соқтығысқан. Апаттан кейін әйел адамға тиесілі көлік бірден отқа оранған. Үш адам жарақат алды. Апатқа кінәлі әйелдің жағдайы ауыр.

Жақсыбек Кемал