Президент БҰҰ-ның Венадағы бөлімшесінің бас директорын қабылдады

Мемлекет басшысы елімізге сапармен келген БҰҰ-ның Венадағы бөлімшесінің Бас директоры, БҰҰ Есірткі және қылмыс жөніндегі басқармасының атқарушы директоры Гада Валиді қабылдады. Кездесу барысында заңсыз есірткі айналымы, жемқорлық, терроризм мен кибер қылмысқа қарсы күрес жөніндегі ынтымақтастық мәселелері талқыланды. Қасым-Жомарт Тоқаев БҰҰ-ның Есірткі және қылмыс жөніндегі басқармасының Орталық Азия үшін 2022-2025 жылдарға арналған жаңа бағдарламасының қабылдануын құптады. Бұл табысты ынтымақтастықты жалғастырудың берік негізін қалайды. Гада Вали Ауғанстаннан БҰҰ-ның қызметкерлерін эвакуациялауға және оларды Алматы қаласында орналастыруға көмек көрсеткені үшін елімізге алғыс білдірді.

Шерхан Жамбылұлы