Қостанайда сұйық отынның бағасы арзандады

Қостанай облысында 14 блокбекет жұмыс істеп тұр. Төтенше жағдай басталғалы бері бұл бекеттерде 7 мыңға жуық автокөлік тексеруден өтті. Аймақтағы жағдайды тікелей эфирге қосылған осы өңірдегі тілшіміз Дәуренбек Әбдібек айтады.

Дәуренбек Әбдібек, тілші:

Қостанай облысында жағдай тұрақты. Елді алаңдарлықтай қиындықтар туындап жатқан жоқ. Барлық әлеуметтік мекеме мен дүкендер жұмыс істап тұр.Тіпті ойын -сауық орталықтары да ашық. Құқық қорғаушылар қоғамдық тәртіпті күні-түні қадағалауда.

Батырбек Ахметов, облыстық Ардагерлер кеңесінің төрағасы:

Болған жағдайға қынжыламыз. Жастардың бірлікте болуын тілеп, әрі қарай мұндай жағдайға қатыспай, ақылмен шешкен дұрыс. Бұл жағдай енді қайталанбауы керек.

Дәуренбек Әбдібек, тілші:

Елдің ең басты талабы - сұйық отынның бағасын төмендету Қостанайда да жүзеге асты. Қазір аймақта сұйылтылған газ 70 тг. Ал көпшілік тұтынатын АИ-92 маркалы бензин 182 тг сатып жатыр. Өңірде көліктер мен азаматтардың жүріс-тұрысын қадағалайтын 14 тосқауыл бекеті орнатылған. Төтенше жағдай басталғалы бұл бекеттерде 7 мыңға тарта көліктен 10 600-ден астам тексерілді. Әзірге тәртіп бұзғандар жайлы дерек жоқ. Жағдай тұрақты.