Алматыдағы қақтығыс кезінде әуежайға шабуыл жасағандар ұсталды

Алматыдағы қақтығыс кезінде әуежайға шабуыл жасады деген күдікпен екі адам ұсталды. Олар «Шаңырақ» ықшам ауданында қолға түскен.

Ішкі істер министрлігінің хабарлауынша, тергеу кезінде күдіктілердің әуежай ғимаратына шабуыл жасағаны және ондағы мүліктерді қиратқаны анықталған. Сондай-ақ, қару-жарақ дүкенін тонауға қатысып, 15 тегіс ұңғылы қару мен 4 ойық ұңғылы карабинді жымқырған. Осы деректер бойынша қылмыстық іс қозғалып, тергеу амалдары жүріп жатыр.

Қуан Нұрақын