Ұлыбританияда төтенше жағдай жарияланды

Ұлыбританияда аптап ыстыққа байланысты төтенше жағдай жарияланды.

Билік тұрғындардың денсаулығына алаңдап, алдын-ала жедел жәрдем көліктері мен медициналық қызметкерлерді халыққа шұғыл көмек көрсетуге дайындады. Шіліңгір ыстыққа байланысты көлік қатынасы, денсаулық сақтау мекемелері мен мектептердің жұмыс тәртібі өзгеруі мүмкін. Бұған қоса, электр жарығы, су мен ұялы байланыс та үзілуі ықтимал.

Лондон метросы қысқарған кестеге сай жұмыс істейді. Жолаушыларға тек аса қажет болған жағдайларда ғана жолға шығуға кеңес берілді. Қалаға жақын жердегі Лутон әуежайында күннің шыжуынан ұшып-қону жолағында ақау пайда болған. Ауа-райы бюросы жоғары температура дені сау адамдар үшін де қауіпті екенін ескертіп отыр. 

Арай Төлегенқызы