Еуроодақ Украинаға көмекке 500 млн еуро бөледі

Еуропа Одағы Украина әскерін қару-жарақпен қамтамасыз ету үшін тағы 500 млн еуро бөлмек.

27 елдің сыртқы істер министрлері осындай келісімге келді. Ресей Украинаға басып кіргелі одақтың Киевке бөлген қолдау қаржысының көлемі 2,5 млрд еуроға жеткен. Еуроодақтың бас дипломаты Джозеф Боррель «дипломатиялық тұрғыда немқұрайлылыққа» жол бермеу керек екенін баса айтты. Азық-түлік дағдарысына Ресейді айыптады. Мәскеу әскери қылмыстарға барғанын үнемі жоққа шығарып келеді, ал әлемдегі қымбатшылық – Батыс санкцияларының кесірі,- деп мәлімдеді. 

Арай Төлегенқызы