Солтүстік Корея екі аптада 6 зымыранды сынақтан өткізді

Солтүстік Корея бүгін тағы екі баллистикалық зымыранды сынақтан өткізді. Осылайша Пхеньян соңғы екі аптада 6-шы мәрте осындай ракета ұшырып отыр. Ел билігі бұл сынақтарды АҚШ пен Оңтүстік Кореяның бірлескен әскери жаттығуына қарсы шара деп мәлімдеді. Осы аптада Пхеньян – Жапонияның үстінен ракета ұшырып, халықаралық қауымдастықтың сынына ұшырады. Біріккен Ұлттар ұйымының Қауіпсіздік Кеңесі бұл мәселе бойынша шұғыл жиын өткізді. Отырыста АҚШ Ресей мен Қытайды – Солтүстік Кореяға қарсы санкциялары күшейтуге жол бермей отырғаны үшін сынға алды.

Арай Төлегенқызы