Экономика нарығы: Жаңа үйлер бір жылда 18 пайызға қымбаттаған

Жылдық инфляцияға тұрғын үй нарығындағы бағаның да әсері бар. Соңғы статистикаға сүйенсек, жаңа үйлер бір жылда 18 пайыз, ал қолданыстағы үйлер 26 пайыз қымбаттаған. Бірақ Қазақстан құрылысшылары одағының басшысы ресми есеппен келіспейді.

Ұлттық статистика бюросының дерегінде үйді жалға берудің бағасы бір жылда 47 пайыз өскені жазылған. «krisha.kz» сайтының мәліметінше, Астанада жалға берілетін үй былтырғы қазан айымен салыстырғанда 47 пайыз, ал Алматыда 41 пайыз қымбаттапты.