Жүзден аса бата білетін қария

«Салт-дәстүрді сақтау  бабалар үмітін ақтау!». Бұл  ақтөбелік батагөй қария Марат Қабижанұлының пайымы. Жетпістің төртеуіне келген ақсақал осы уақытқа дейін 16 кітап жазған. Шығармаларында жас ұрпақты әдептілікке, дәстүрді қадірлеуге үндейді.

Ақтөбе жұрты Марат Қабижанұлын батагөй қария ретінде таниды. Себебі, ол 100-ден аса бата біледі. Өзінің саналы  ғұмырында жинаған аталы сөздерін бірнеше жинақ етіп шығарды.

Ұлтымыздың салт-дәстүрін, сөз өнерін насихаттап жүрген қария әлі де еңбектене бермек. Ол кейінгі ұрпақтың бабалар аманатына қиянат жасамайтынына бек сенімді.

Жақсыбек КЕМАЛ