Жетісу облысының Ынтымақ ауылында 56 қарағашты заңсыз кескен азамат ұсталды

Жетісу облысының Ынтымақ ауылында ағаштарды отап тастаған азамат ұсталды. Панфилов ауданының 28 жастағы тұрғыны егістік маңында өсіп тұрған 56 қарағашты заңсыз кесіп алған. Ағаштардың бір бөлігін ер адам көрші ауылдағы өз үйіне тасып та үлгерген. Күдіктіге қатысты заңсыз ағаш кесу фактісі бойынша сотқа дейінгі тергеу амалдары басталды. Алдын-ала болжам бойынша мемлекетке 1 млн теңгеден астам залал келген.

Қуаныш Қанатұлы