Мемлекеттік қызметкерлерді жоғары оқу орындары Мемлекеттік басқару академиясымен бірлесіп даярлайды

Енді мемқызметкерлерді жоғары оқу орындары Мемлекеттік басқару академиясымен бірлесіп даярлайды. Академия ректоры түрлі бағыттар бойынша мамандарды әзірлейтін 30-дан астам университетпен ынтымақтастық Меморандумына қол қойды. Бұл студенттердің тағылымдамадан өтіп, жұмысқа орналасуына үлкен септігін тигізеді. Құжатқа қол қою рәсімінен соң тараптар Меморандум аясында жүзеге асырылатын іс-шаралар бойынша дайындалған Жол картасын талқылады. Шараға Мемлекеттік қызмет істері агенттігі мен Ғылым және жоғары білім министрлігі ұйытқы болған.

Ерлан Әбіл, ҚР Президенті жанындағы мемлекеттік басқару академиясының ректоры:

Жақсы жақтарымызды, алған тәжірибемізді біріктіре отырып, мемлекеттік қызметке жаңа буынды келтіргіміз келіп отыр. +05:16 Жалпы, студенттерге тәжірибеден, тағылымдамадан және жалпы менторлық көмек көрсету ойымызда бар.

Асылбек Данияр