Астанада Түркі әлемінің ортақ әліпбиі жөніндегі комиссияның алғашқы отырысы басталды

Астанада Түркі әлемінің ортақ әліпбиі жөніндегі комиссияның алғашқы отырысы басталды. Қатысушылар түркі халықтары бір-біріне ұқсас әліпбилер қабылдауы керек деген бастама көтерді. Сол арқылы бауырлас елдер арасындағы ынтымақтастық артады. Сессия барысында ортақ әліпби әзірлеудің жол картасы түзілмек. Егер туыс елдер арасында ұқсас әліпбилер енгізілсе, бір-бірін еркін түсініп, тіпті, мақала, кітаптарды да оқуға мүмкіндік артады.

Шаин Мұстафаев, Түркі академиясының президенті:

Әр мемлекет қандай алфавитті және қандай формада қабылдау керектігін өз бетінше шешеді. Бірақ егер барлық мемлекеттер латын әліпбиіне көшетін болса, онда әліпбилердің барынша бір-біріне жақын, түрлі түркі халықтарының өкілдері үшін өзара түсінікті болғанын қалаймыз.

Азамат Бейбітұлы